Mas matutukan na ng pamahalaan at ng mga mambabatas ang paglaban sa inflation at pagpapalakas ng jobs recovery ngayong tuluyan nang ipinagpaliban ni Pangulong Bongbong Marcos Jr. ang Barangay at SK Elections (BSKE).
Ito’y ayon kay Congressman Joey Salceda, magbibigay din ito ng oportunidad sa mga lawmaker’s para mapag-aralan ang mga long-term solutions sa mga structural issues ng Barangay at SK o Sangguniang Kabataan.
Pinayuhan naman ni Salceda ang kanyang mga kapwa mambabatas sa kamara na gamitin ang panahong ito upang pakinggan ang mga hinaing ukol sa mga kinakaharap na hamon ng mga nasa barangay, na syang pinakanatatangi nilang political institutions.
Pagkakataon din aniya ang BSKE postponement para maplantsa ng kongreso ang mga bagong batas gaya ng kanyang ini-sponsor at iniakdang SK official compensation at ang Civil Service Eligibility o ang RA 11758. – mula sa ulat ni Jopel Pelenio (Patrol 17)