Muling binuksan ngayong araw na ito ang lahat ng drive thru at walk-in coronavirus disease 2019 (COVID-19) serology testing center sa lungsod ng Maynila.
Ang mga drive thru at walk-in COVID-19 serology testing center sa lungsod ay dahil sa pananalasa ng Bagyong Rolly.
Ayon sa Manila Public Information Office, bukas na muli ang mga sumusunod na testing centers:
- Gat Andres Bonifacio Memorial Medical Center
- Ospital ng Tondo
- Justice Jose Abad Santos General Hospital
- Ospital ng Sampaloc
- Ospital ng Maynila
- drive thru testing center sa Quirino Grandstand.
Ipinabatid ng Manila Health Department na prayoridad nilang ituloy ang serbisyong medikal sa mga Manileño sa gitna ng banta pa rin ng COVID-19.
Samantala, tuluy-tuloy ang paglulunsad ng libreng swab testing ng lungsod ng Maynila para sa market vendors, hotel employees, mall workers at public transport drivers.
