Plano ng Department of Tourism o DOT na mag-bid para isagawa sa Boracay ang 2019 Miss Universe.
Ayon kay Tourism Secretary Wanda Teo, ito ang nakikita nilang isang maganda paraan ng muling pagpapakilala sa isla matapos isailalim ito sa rehabilitasyon ng anim na buwan.
Sinabi ni Teo na mismong si Pangulong Rodrigo Duterte na ang nagbukas sa naturang usapin para na rin umano makabawi ang Boracay sa nawalang kita nito bunsod ng rehabilitasyon.
Matatandaang ang Pilipinas ang nagsilbing host ng 2016 Miss Universe Pageant.
