Walang pinipiling edad ang mga tinatamaan ng sakit na ‘Japanese Encephalitis’
Babala ito ni Health Secretary Paulyn Ubial matapos silang makapagtala ng kaso mula dalawang buwang gulang hanggang 70 taong na nagkaroon ng naturang sakit.
Ayon sa kalihim, walang ipinakikitang sintomas ang ‘Japanese Encephalitis’ at kung meron man ay 10% lamang ang nakararanas nito tulad ng pagkahilo, pagiging antukin at madaling mapagod.
Paalala ng kalihim, kumakagat ang mga lamok na may dala ng naturang sakit sa umaga lalo na sa gabi at madalas makita ang mga ito sa matataong lugar.
Mayroon na umanong bakuna ang DOH o Department of Health para sa sakit ngunit anila nasa edad isang taong gulang pababa pa lamang ang nabibigyan nito.
Samantala, pinayuhan ni Ubial ang publiko na huwag makampante sa bakuna lamang at dapat panatilihin na malinis ang paligid na ginagalawan
