Aminado ang Department Of Health (DOH) na hindi pa nila minamadaling isailalim sa mas maluwag na alert level 2 ang Metro Manila sa kabila ng patuloy na pagbaba ng COVID-19 cases sa bansa.
Nilinaw ni Health Undersecretary Maria Rosario Vergiere na kailangang magdesisyon ang DOH batay sa indicators para sa COVID-19, tulad ng case trend at health system capacity.
Para anya masukat ang hospital health system capacity, tinitingnan ng kagawaran ang health care utilization rate sa mga Intensive Care Unit beds, ward beds, isolation beds at mechanical ventilators sa mga ospital.
Ayon kay Vergeire, hanggang nitong october 25, nasa 37.65 hanggang 53.15% ang health system capacity sa NCR o maituturing na low risk.
Sa nakalipas naman na isang linggo ay negative ang two-week growth rate ng rehiyon habang nasa 7.4% ang average daily attack rate, indikasyon ng mabagal na downward trend ng cases.— sa panulat ni Drew Nacino
