Target palakasin ng Department of Energy (DOE) ang renewable energy at energy security ng bansa sa taong 2026.
Ayon kay Energy Secretary Sharon Garin, pagtutuunan ng kanilang ahensya ang clean energy at mas matatag na supply ng kuryente.
Layunin din anya ng DOE na bawasan ang pagdepende sa coal at diesel, lalo na sa mga island grids kung saan nasa 7-percent lamang ang bahagi ng renewables.
Sa kabila ng mga panganib sa malalaking proyekto, nananatiling kumpiyansa ang DOE na maabot ang 3,300-megawatt offshore wind target sa ilalim ng Green Energy Auction, ang mekanismong nagbibigay ng proyekto sa mga developer na may pinakamababang alok na presyo.
