(Updated)
Nasa kritikal na kondisyon ang Regional Director ng DILG-CALABARZON na si Renato Brion matapos pagbabarilin ng mga hindi nakilalang lalaki sa Calamba City, Laguna, kanina.
Kabababa lamang ni Brion mula sa kanyang kotse nang sa tapat ng DILG-Regional Building sa Barangay Parian dakong ala-7:30 nang maganap ang insidente.
Agad tumakas ang mga hindi pa nakilalang salarin matapos ang pamamaril sa biktima.
Si Brion na residente ng New Manila, Quezon City ay kasalukuyang nasa Calamba Medical Center habang nagsasagawa na ng dragnet operations ang CALABARZON Regional Police.
Magugunitang si Brion ang Regional Director ng DILG National Capital Region nang ihain ang suspension order kay Makati City Mayor Junjun Binay noong Marso.
By Drew Nacino
