“Marami pa palang tao na nagmamahal sa akin.”
Ito ang naging pahayag ng veteran actor na si Dick Israel na kamakailan lang ay nag-viral ang larawan matapos na mabiktima ng sunog.
Aniya, nasorpresa siya sa buhos ng tulong na natatanggap niya mula sa mga dating katrabaho at mula sa mga kaibigan.
Sa ngayon ay naka-wheel chair na si Israel at inaalagaan ng kanyang pamilya.
Nang tanungin kung may mga pinagsisisihan siya sa buhay, sinabi nitong wala dahil aniya’y nakapag-provide naman siya ng mabuti sa kanyang asawa’t mga anak.
“Sumaya naman sila.” Pahayag ni Israel sa interview ng Rated K.
Tumagal ang career ni Israel sa showbiz ng higit apat na dekada at nakagawa ng nasa 200 na pelikula.
Masasabing isa siya sa pinakakilalang aktor sa Philippine cinema.
Photo: Screengrab/ Rated K