Patay ang isang district supervisor ng Department of Education (DEpEd) nang barilin sa loob ng comfort room ng isang gasolinahan sa Parang, Maguindanao.
Kinilala ng mga awtoridad ang biktima na si Nasser Bibayan ng Puna Babayao, Lanao del Sur.
Ayon sa mga awtoridad, si Bibayan na isang Muslim ay tumigil sa gasolinahan para maghugas ng kanyang paa bilang paghahanda sa afternoon prayer nito nang pumasok ang suspek at pinagbabaril ng ilang beses sa dibdib ang DepEd official.
Iniimbestigahan na ng mga awtoridad ang motibo sa pagpaslang kay Bibayan at pagkakilanlan ng suspek na kaagad tumakas sakay ng isang Toyota Fortuner.
By Judith Larino
