Nagsanib-puwersa ang Department of Education at Department of Health para iayon ang kurikulum sa tumataas na kaso ng HIV sa kabataang Pilipino.
Ayon kay Health Secretary Teodoro Herbosa, 30% ng limampu’t-pitong bagong kaso ng hiv araw-araw mula enero hanggang marso 2025 ay mula sa edad 15 hanggang 24, na sakop ng grades ten hanggang twelve.
Dahil dito, isinama sa curriculum ang HIV education, mental health, teenage pregnancy, nutrisyon, at kaligtasan sa kalsada.
Kasabay ng pagbubukas ng klase ngayong school year 2025-2026, pinalawak din ng deped ang feeding program para sa mga batang mag-aaral; habang nakatutok din ang dalawang ahensya sa mga posibleng outbreak ngayong tag-ulan.
Sinabi ni Education Secretary Sonny Angara na paiigtingin pa ang pangangalaga sa pisikal at emosyonal na kalusugan ng mga mag-aaral.
Magugunitang tumaas ng 500% ang kaso ng HIV sa bansa, at posibleng umabot sa 400,000 ang kabuuang kaso kung hindi ito mapipigilan.
