Kukuha ng water samples ang Department of Environment and Natural Resources (DENR) sa West Philippines Sea kasunod ng ulat na umano’y nagtatapon ang Chinese Vessels ng human waste doon.
Ayon kay DENR Undersecretary Benny Antiporda, titingnan nila kung ano ang pinakamalapit na lugar na makukuhanan ng water sample.
Duda aniya siyang human waste ito dahil mas mukha itong oil spill.
Sinabi pa ni Antiporda na makikipagtulungan sila sa Department of National Defense, Department of Foreign Affairs at Coast Guard upang beripikahin ang report ng US-based geospatial imagery firm na Simularity. —sa panulat ni Hyacinth Ludivico