Nilinaw ng National Disaster Risk Reduction and Management Council (NDRRMC) na nasa 45 ang bilang ng nasawi dahil sa bagyong Paeng.
Taliwas ito sa unang napaulat na 72.
Sinabi ng NDRRMC na mula ang 40 nasawi sa Bangsamoro Autonomous Region in Muslim Mindanao (BARMM) habang ang lima ay galing sa Western Visayas at Soccsksargen region.
33 naman ang sugatan habang 13 ang nawawala.
Samantala, umabot na sa mahigit 184,161 indibidwal ang apektado ng naturang bagyo.
