Naglaan ang Davao City government ng 11 milyong pisong halaga ng financial aid para sa may 380,00 biktima ng bagyong Nina sa Bicol Region.
Isang resolusyon ang inaprubahan ng city council para sa naturang request ni Davao City Mayor Sara Duterte.
Samantala, iniulat ng City Information Office na makakukuha ang Camarines Sur ng financial aid na P7.47 Million, Albay (P1.3 million), Catanduanes (P1.06 million) at Calapan City, Oriental Mindoro (P1.165 million).
Inatasan ng CIO si Central Communication and Emergency Response Center Chief Emmanuel Jaldon na i-turn over ang financial aid sa mga local government unit ng mga nabanggit na probinsya.
By: Meann Tanbio
