Patay sa pananambang ang dating Vice Governor ng Sultan Kudarat.
Papauwi na ang biktimang si Vice Governor Rolando Rolly Recinto sakay ng kanyang Mitsubishi pick – up mula sa Tacurong City nang paulanan ng bala ng hindi pa kilalang mga kalalakihan sa barangay Bilumin, Lambayong.
Agad na dinala ng mga rumespondeng pulis si Recinto sa ospital ngunit idineklara ring dead on arrival.
Una nang nagsilbing alkalde si Recinto sa naturang bayan habang ang kanyang anak na si Francis Eric Recinto naman ay Vice Mayor.
Patuloy ang isinasagawang imbestigasyon ng mga otoridad sa insidente.
