Dapat na umanong ibalik sa kulungan si dating Senate President Juan Ponce Enrile sa kabila ng edad nitong 94.
Ito ang hirit ni Akbayan Partylist Rep. Tom Villarin matapos lumutang ang balitang nagboluntaryo si Enrile na maging bahagi ng prosecution team sa ikinakasang impeachment trial laban kay Chief Justice Maria Lourdes Sereno.
Ayon kay Villarin, tila malakas pa naman ang dating Senador kaya’t maaari pa itong ibalik sa kulungan upang kaharapin ang plunder case dahil sa pagkakasangkot umano nito sa 10 Billion Peso Pork Barrel fund scam.
Magugunitang pinalaya ng Korte Suprema si Manong Johnny mula sa PNP Custodial Center, sa Camp Crame matapos mag-piyansa noong 2015 “for humanitarian reasons” dahil sa kanyang mahinang kalusugan.
