Sumakabilang buhay na si Dating Dinagat Islands Representative at murder convict na si Ruben Ecleo Jr bandang 12:20 ng tanghali ngayong Huwebes dulot ng cardiopulmonary arrest ayon kay Bureau of Corrections (BuCor) Gabriel Chaclag.
Kwento ni Chaclag,, isang linggo na ang lumipas mula nang gumaling sa COVID-19 si Ecleo Jr. at mayroon din itong iba karamdaman gaya ng sakit sa atay, chronic kidney disease at iba pang kumplikasyon.
Dagdag nito, nasawi ito sa loob mismo ng New Bilibid Prison sa Muntinlupa City.
Magugunitang si Ecleo Jr. ay naaresto noong Hulyo nang nakaraang taon at may patong-patong na kaso gaya ng graft at parricide, nang patayin nito mismon ang sariling asawa.
Samantala, Ecleo Jr.din ay dating pinuno ng Philippine Benevolent Missionaries Association.
