Nagpaabot ng pagbati si Pangulong Ferdinand Marcos Jr. sa 2023 Bar Exam passers.
Sa kanyang social media page, nanawagan si Pangulong Marcos sa mga bagong abogado na itaguyod ang integridad at tiyakin na magkakaroon ng patas na justice system ang bawat Pilipino.
Pinayuhan din ng Pangulo ang Bar Exam passers na manatiling tapat sa pinasok na propesyon.
Matatandaang kamakailan lang, inilabas ang resulta ng 2023 Bar Examinations kung saan ayon sa Supreme Court, 3,812 ang nakapasa mula sa 10,387 examinees.