Pinayagan nang makapagpiyansa si Daraga Mayor Carlywn Baldo sa kasong illegal possession of firearms.
Ayon sa legal counsel ni Baldo na si Lovensky Fernandez, naglagak ang kanilang kampo ng tatlong milyong piso para sa pansamantalang kalayaan ni Baldo.
Gayunman, Miyerkoles na umano maaasikaso ang paglaya ng alkalde dahil kinapos aniya sila sa oras kaya’t di umabot ang iba pang kinakailangang ipasa.
Nabatid na sa oras na makalaya si Baldo ay agad itong ibabalik sa ospital para sa patuloy na gamutan matapos tumaas ang blood pressure nito ilang oras lamang matapos maaresto noong isang buwan.
Si Baldo ang itinuturong mastermind sa pagpatay kay Ako Bicol Party-list Representative Rodel Batocabe noong Disyembre.
—-
