Patay ang 17 katao nang sumiklab ang sunog sa isang hotel sa New Delhi, India, kahapon.
Kabilang sa mga nasawi ang mag-inang nais sanang makaligtas at nagtangkang tumalon mula sa bintana ng hotel room.
35 katao naman ang maswerteng na-rescue ng mga otoridad ngunit sinasabing nasa mahigit 100 katao ang nasa loob ng Hotel Arpit Palace nang mangyari ang sunog.
Kilala umano sa mga turista ang naturang hotel sa India dahil sa murang room rates at pagkakaroon ng shopping mall sa loob nito.
Samantala nagpaabot naman na ng pakikiramay si India Prime Minister Narendra Modi para sa mga naiwang pamilya ng mga biktima.