Dismayado ang actor / model na si Daniel Matsunaga matapos manakawan sa eroplano habang papauwi sa Pilipinas galing Singapore.
Ayon kay Daniel, natutulog aniya siya sa kasagsagan ng biyahe nang nakawin ang wallet at mga dokumento nito sa kanyang bag.
Mas lalo pang ikinadismaya ni Daniel ay ang kawalang aksyon ng mga flight attendant nang kanyang i-report ang nangyari.
Umaasa naman si Daniel na maibabalik pa sa kanya ang mahahalaga niyang dokumento.