Posibleng magkaroon ng dagdag-singil sa tubig sa susunod na taon.
Batay sa rate adjustment na inilabas ng Metropolitan Waterworks and Sewerage System noong 2022, maaaring umakyat sa ₱6.26 kada cubic meters ang singil ng Maynilad sa Enero 2024.
Habang aabot naman sa ₱5 kada cubic meters ang singil ng Manila Water sa mga consumer sa susunod na taon.
Bahagi ang mga ito ng mga inutay-utay na dagdag-singil ng MWSS.
Gayunpaman ayon kay MWSS Chief Regulator Attorney Patrick Ty, hindi pa ito pinal.
Paliwanag ni Attorney Ty, pinag-aaralan pa nila ang lahat ng petisyon ng Maynilad at Manila Water.
Kaugnay nito, inuuna muna ng MWSS ang pagdinig sa hirit ng Maynilad at Manila Water na palawigin nang sampung taon ang kanilang concession agreement. - sa panulat ni Charles Laureta