Inaprubahan na ng Regional Tripartite Wages and Productivity Boards ang dagdag-sahod sa mga manggagawa sa Region 4-A at Davao region.
Ayon kay Department of Labor and Employment Secretary Silvestre Bello III, naglalaro sa P47 hanggang P92 ang naaprubahang umento sa sahod sa CALABARZON.
Habang P47 sa Davao region.
Tiwala naman si Bello na malaki ang maitutulong sa ekonomiya ng dagdag sahod, para makaahon ang mga Pilipino sa epektong dulot ng COVID-19.
Kahapon, epektibo na rin sa Metro Manila at Western Visayas region ang inaprubahang umento sa sahod para sa minimum wage earners.
Nangangahulugan ito na magiging P570 na ang suweldo kada araw ng mga manggagawa sa NCR habang P55 hanggang P110 ang dagdag-sahod sa Region 6.