Magpapatupad ng dagdag presyo sa ilang produktong petrolyo bukas, ika-20 ng Abril.
Mababatid na ito’y dahil sa paggalaw ng presyo sa pandaigdigang merkado.
Sa anunsyo ng Caltex, Cleanfuel, Petro Gazz, Seaoil, at Shell, may dagdag na 70 sentimos sa kada litro ng gasolina.
Habang 70 sentimos naman sa presyo ng diesel.
Magpapataw naman 85 sentimos na dagdag presyo ang mga kumpanyang Caltex, Seaoil, at Shell sa kada litro ng kerosene.
Iiral ang oil price adjustment ng mga kumpanyang Petro Gazz, Shell at Seaoil bandang alas-sais ng umaga bukas.
Alas-kwatro naman ng hapon ipatutupad ang pagbabago sa presyo sa produktong petrolyo ng kumpanyang Cleanfuel.
Habang mauunang magpapatupad ang Caltex mamayang hatinggabi.
