Anim ang nasawi matapos na magwala at manaksak ang isang lalaki sa loob ng isang condominium unit sa Pasay City kagabi.
Ayon kay NCRPO o National Capital Region Police Office Chief Police Director Oscar Albayalde, pinagsasaksak ng suspek na si Robert Garan ang kanyang nobyang si Emelyn Sagun saka niya ito itinulak mula sa ika-labing anim na palapag ng Central Park Condominium.
Sinasabing nagkaroon ng matinding pag-aaway ang dalawa na nagbunsod para magwala at manaksak ang suspek.
Matapos nitong saksakin ang kanyang nobya ay idinamay din ng suspek ang lahat ng mga nadaanan niyang tao sa ika-labing anim at ika-labingpitong palapag ng condo building.
Napatay naman ang suspek ng mga rumespondeng miyembro ng PNP-SWAT o Special Weapons and Tactics.
By Rianne Briones / (Ulat ni Gilbert Perdez)
