Nagsimula na ngayong araw, ika-1 ng Oktubre, ang pagpapatupad ng polisiyang ‘no beep card, no ride’ sa mga bus na bumabyahe sa kahabaan ng EDSA Busway.
Ayon sa Transportation Department, ang naturang hakbang ay karagdagang safety measures para maiwasan ang pagkakaroon ng ‘physical contact’ na makatutulong din na hindi na kumalat pa ang banta ng virus.
Iginiit din ng ahensya na mas bibilis din ang transaksyon sa mga bus at kahit papaano’y mababawasan ang paghihintay ng mga pasahero bago makasakay sa mga ito.
