Nasa isanlibo walundaang pamilya o halos walong libo katao na ang nagsilikas dahil sa pagbahang dulot ng walang tigil na ulang dala ng habagat sa bayan ng San Mateo, Rizal.
Ayon kay Vic Tomazar, Incident Commander ng San Mateo Municipal Disaster Office, abot-dibdib ang tubig sa kanilang lugar partikular ang mga barangay sa tabi ng Marikina River.
Umabot anya sa 24 meters o lampas na sa 20-meter critical level ang antas ng tubig sa ilog.
Sa kasalukuyan ay walo mula labinlimang barangay na sa San Mateo ang lubog sa baha.
