Pinayuhan ng Department of Agriculture (DA) ang publiko na huwag bumili ng isang kilo ng sibuyas dahil triple na mas mataas ang presyo nito kaysa sa Suggested Retail Price (SRP).
Ayon kay DA Deputy Spokesperson Rex Estoperez, sa ilang pamilihan sa Metro Manila ay nasa P550 na kada kilo ang malalaking sibuyas habang P440 kada kilo sa maliliit.
Nasa P170 kada kilo naman ang SRP ng sibuyas habang P300 kada kilo ang farmgate price.
Noong October, itinakda ng DA ang SRP sa kada kilo ng pulang sibuyas sa P170 sa mga pamilihan sa NCR kasunod nang pagtaas ng presyo ng mga produktong pang-agrikultura.