Pinaalalahanan ng Globe Telecom ang mga user na magrehistro ng sim gamit ang opisyal na channel.
Ito’y dahil ang pagbabahagi ng impormasyon sa mga nag-aalok ng tulong ay maaring mapanganib.
Ayon sa Telco, ilan sa mga indibidwal ay sinasamantala ang mandatory sim registration kung saan inaalok ng libre o may bayad na hinihingi ang pangalan, larawan, valid ID at cellphone number.
Sa oras anya na makuha ng mga mapagsamantala ang personal na impormasyon posibleng ma-access ang mga account at gamitin ito sa iligal na aktibidad.
Sa halip na manghingi ng tulong sa iba, gamitin na lamang ang registration link na mula sa kanilang official website at social media accounts. – sa panunulat ni Jenn Patrolla
