Pinakokonsidera ng isang senador sa gobyerno na gawing evacuation centers para sa mga pamilya na biktima ng sakuna at kalamidad ang lahat ng COVID-19 isolation facilities.
Ayon kay senator Sonny Angara, naniniwala siyang marami sa quarantine facilites ang hindi na ginagamit ngayong kontrolado na ang pagkalat ng virus at kaunti na lamang ang mga tinatamaan nito dahil na rin sa vaccination drive ng gobyerno.
Binigyang-diin pa ng senador na imbes na masayang mga pinatayong isolation centers ay mabuti itong gamitin tuwing may kalamidad lalo na sa mga lugar na hindi sapat ang imprastruktura para patuluyin ang mga nawalan ng tahanan.
Makatutulong din aniya ito upang lumuwag ang mga paaralan na madalas na ginagamit bilang evacuation centers.