Inihayag ng Department of Agriculture (DA) na nananatiling matatag ang suplay at presyo ng gulay sa Cordillera kahit na nagkaroon ng kalamidad.
Sa pinakahuling datos, aabot sa 1,844,300 na kilo ang pumasok sa iba’t-ibang pasilidad sa La Trinidad, Benguet nito lamang Lunes.
Ito ay bukod pa sa 150,000 kilos ng beginning inventory para sa kaparehong araw.
Ayon pa sa ahensya, aabot naman sa 334,300 kilo ang ibinagsak sa Benguet Agripinoy Trading Center, La Trinidad Vegetable Trading Center at private trading centers. – sa panulat ni Hannah Oledan