Posible daw na mapuno na sa unang linggo ng Abril ang COVID-19 hospital beds at ICU beds sa mga pagamutan sa National Capital Region (NCR).
Itoy matapos na lumabas sa pag-aaral ng OCTA Research Team na maari umanong makahawa ng nasa dalawang katao ang isang COVID-19 positive.
Ayon sa OCTA team, umaabot na ngayon sa 1.95 ang reproduction number ng infection cases sa NCR.
Dahil dito, inihayag ng grupo, na asahan nang papalo sa isandaang porsyento ang total bed at icu capacity sa unang linggo ng susunod na buwan.
Indikasyon lamang umano ang reproduction number na ito na tuloy-tuloy ang nangyayaring COVID-19 transmission.
