Inihayag ng Commission on Elections o COMELEC na ligtas na makakaboto ang publiko sa darating na May 2022 elections.
Ayon kay COMELEC Spokesperson James Jimenez, ito ay dahil ang voting centers ay nakadisenyo bilang COVID-19 safe kung saan gagamit sila ng mga malalaking espasyo para maiwasan ang overcrowding.
Aniya, magkakaroon ng social distancing sa loob ng polling places at bawat voting center ay may health screening stations.
Sinabi pa ni Jimenez na magkakaroon ng Isolation Polling Place o IPP upang dalhin doon ang mga taong may health issues o may sintomas ng COVID-19.—sa panulat ni Hyacinth Ludivico