Inalala ng pamilya, kaibigan at fans ng aktor na si Rico Yan ang ika-20 taong anibersaryo ng kaniyang pagpanaw.
Kasamang bumisita ng ina ng aktor na si Teresita Castro-Yan sa labi ni Rico sa Manila Memorial Park, Parañaque City ang dating nobya nito na si Claudine Barretto.
Hindi naman napigilan ni Claudine na mapaiyak nang mahigpit na niyakap ang ina ng dating nobyo.
Maaalalang pumanaw si Rico sa edad na 27 noong March 29. 2002, kung saan batay sa autopsy ay namatay sa cardiac arrest dala ng acute hemorrhagic pancreatitis ang aktor. — sa panulat ni Mara Valle