Hindi pa rin natitinag si dating senador Ferdinand “Bongbong” Marcos Jr. ng Partido Federal ng Pilipinas sa presidential preference survey ng OCTA Research Group.
Ito’y makaraang hakutin ng dating senador ang class a, b, c voters sa survey na isinagawa sa 1,200 respondents noong December 7 hanggang 12.
Lumabas sa survey na 63% ng mga propesyunal at negosyanteng botante ang nagsabing iboboto nila si Marcos sa pagka-pangulo sa 2022 elections.
Malaki rin ang kalamangan ng dating Ilocos Norte governor sa mga kalaban sa class d matapos makakuha ng 55% habang 46% sa class e bracket.
Nasa pangalawa naman si Manila Mayor Isko Moreno na nakakuha ng 14% votes mula sa class a, b at c habang mayroon lamang 9% si Vice President Leni Robredo, Senators Manny Pacquiao, 5 % at Ping Lacson, 2%.