Iginiit ng Armed Forces of the Philippines na walang nagaganap na civil-military junta o anumang reset plot sa Sandatahang Lakas ng Pilipinas.
Ito’y sa harap ng mga ulat na mayroong retired military officials ang sinasabing nag-aalok kay Senate President Pro-Tempore Panfilo Lacson na sumali sa isang grupo na may mithiiing patalsikin si Pangulong Ferdinand Marcos Junior at Vice President Sara Duterte.
Ayon kay AFP Spokesperson Colonel Francel Margareth Padilla, ilang ulit nang nilinaw ni AFP Chief of Staff Gen. Romeo Brawner Jr. na nananatiling tapat ang militar sa Saligang Batas.
Iginiit pa ni Col. Padilla na dahil retirado ang mga sinasabing sangkot, ibang ahensya anya ang dapat magsiyasat, habang tumututok ang militar sa posibleng epekto nito sa bansa.
