Muling iginiit ni dating Ako Bicol Partylist Representative Zaldy Co na si Pangulong Ferdinand Marcos Jr. ang nag-utos ng bilyon-bilyong insertions sa 2025 national budget.
Ayon kay Zaldy Co, noong February 2025 ay nagpadala siya ng confidential letter sa Pangulo at ipinaliwanag nitong ginagawa niya lamang ang ipinag-uutos nitong insertions.
Giit ng dating mambabatas, kung hindi nanggaling sa Pangulo ang kautusan, dapat ay tinanggal na agad nito sina dating Undersecretary Adrian Bersamin at dating Budget Secretary Amenah Pangandaman nang nabanggit niya mismo sa kanya ang tungkol sa 100 billion peso insertion sa kanyang liham.
