Magdiriwang ng pasko si Pangulong Rodrigo Duterte sa kaniyang hometown sa Davao City.
Ayon kay Presidential Spokesman Salvador Panelo, mananatili lamang ang pangulo sa kaniyang bahay sa Davao kapiling ang kaniyang pamilya at mga apo.
Inaasahan din gaya ng nakagawian ang pagbisita ni Pangulong Duterte tuwing pasko sa mga pasyenteng may cancer sa mga ospital sa lungsod.
Samantala, hiling naman umano ng pangulo sa bawat Pilipino ang pagkakaroon ng kumportable at masaganang buhay.
