Naghahanda na ang mga law enforcement agency sa pag-aresto sa mga malalaking personalidad na nauugnay sa multibillion-peso flood control corruption scandal.
Ayon kay Interior Secretary Jonvic Remulla, inaasahan na sa susunod na limang linggo, magaganap ang panibagong bugso ng mga pag-aresto, na posibleng kinabibilangan na ng mga kongresista at iba pang mga maimpluwensyang personalidad na dawit sa maanomalyang flood control projects.
Sinabi naman ni Philippine National Police Acting Chief Lt. Gen. Jose Melencio Nartatez Jr. na ipinatutupad na nila ang mga direktiba ng korte, sa pamamagitan ng pagsisilbi ng mga arrest warrant.
Binigyang-diin ni Lt. Gen. Nartatez na nananatiling matatag ang PNP sa pagtitiyak ng pananagutan at wastong due process sa bawat hakbang ng pagpapatupad ng batas.
