Isang daang (100) milyong pisong donasyon ang ibinigay ng China para sa anti-poverty programs ng Department of Social Welfare and Development (DSWD).
Ito’y matapos lumagda sa isang memorandum of understanding sina Social Welfare Secretary Judy Taguiwalo at Chinese Ambassador to the Philippines Zhao Jianhua sa DSWD Central Office sa Quezon City.
Ang donasyon ay ilalaan para sa livelihood programs ng DSWD at pagpapaigting sa anti-poverty at disaster relief programs ng ahensya.
Tiniyak ni Jianhua na patuloy na aayuda ang Chinese Embassy sa DSWD sa paghahatid nito ng tulong sa mga mahihirap na lugar sa bansa.
Matatandaang pinagkalooban din ng People’s Republic of China ang DSWD ng 35 million pesos na gagamitin para sa recovery at rehabilitation efforts sa mga apektado ng kalamidad.
Maliban dito, nagbigay din ang Chinese government ng 60 million pesos na donasyon sa mga pamilyang nasalanta ng bagyong “Lawin.’’
By Jelbert Perdez
Photo Credit: Reuters
