Hinimok ng Catholic Bishops’ Conference of the Philippines o CBCP ang publiko na ipagdasal na maging malusog si Pangulong Rodrigo Duterte.
Ito, ayon kay CBCP President at Davao Archbishop Romulo Valles, ay makaraang aminin ni Pangulong Duterte na nagpa-check up siya sa Cardinal Santos Medical Center sa San Juan, kamakailan.
Napakahalaga aniya ng papel ni Pangulong Duterte sa bansa kaya’t dapat ipanalangin ang agaran nitong paggaling mula sa anumang karamdaman.
Magugunitang isinailalim sa endoscopy ang Punong Ehekutibo upang mabatid kung ano ang kasalukuyang estado ng kanyang digestive tract.