Timbog ang isang babae sa Sta. Ana sa Maynila matapos na pilit maningil ng bayad sa isang negosyante para sa aniya’y ‘disinfection service’, kahit pa wala namang naganap na serbisyo.
Sa paunang imbestigasyon ng Sta. Ana Police Station 6, nagbabantay ng kanyang tindahan si Paul Hedeo sa Pedro Gil Street sa Sta. Ana sa Maynila, nang lapitan na ito ng suspek na kinilalang si Marichu Santos.
Sa pahayag ni Hedeo, sinabi nito na sinisingil siya ng suspek ng higit sa P4,000, batay na rin sa ipinapakita nitong resibo sa ‘disinfection service’.
Dito na naghinala si Hedeo sa modus ng suspek, at agad na isinangguni sa nakakasakop na barangay.
Samantala, sa ngayon hawak na ng mga awtoridad ang suspek na si Marichu Santos at nahaharap sa kasong attempted estafa sa Manila City Prosecutor’s Office.
