Nangako si House Speaker Allan Peter Cayetano na kanyang aalamin kung sino ang nasa likod ng “operation” na sumisiguro umano na papalpak ang pagho-host ng Pilipinas ng 30th Southeast Asian Games.
Ayon kay Cayetano, nakatanggap siya ng impormasyon na mayroong “operation” na nagpapakalat ng fake news hinggil sa hosting ng bansa.
Dagdag pa ng kongresista, nagtangka rin ang mga nasa likod nito na bayaran ang ilang media outlets para masigurong maling balita ang mailalabas.
Magugunitang una nang nagpakita ng kahandaan si Cayetano kung isasailalim sa imbestigasyon ang hosting ng Pilipinas sa SEA Games.
