Tiwala si Pangulong Rodrigo Duterte na patuloy na babangon ang Association of Southeast Asian Nations o ASEAN laban sa mga hamon na kinakaharap nito kabilang na ang COVID-19 pandemic.
Sa mensahe ng Pangulo para sa ika-54 founding anniversary ng organisasyon, sinabi nito na kumpyansa siya na mapagtatagumpayan ng ASEAN ang mga suliranin dahil na rin sa pagkakaisa ng bawat member states.
Binigyang diin rin ng Pangulo ang kahalagahan ng pagtutulungan upang makamit ang isang layunin.
Itinatag noong Agosto 8, 1967 ang ASEAN, kung saan kabilang ang Pilipinas sa limang founding members nito kasama ang Indonesia, Malaysia, Singapore, at Thailand.—sa panulat ni Hyacinth Ludivico
