Maaaring sagutin ng mga abogado at staff ni Vice President Sara Duterte ang kanilang sariling pagkain habang isinasagawa ang impeachment trial sa Senado.
Ito’y kasunod ng pahayag ni Senate President Sherwin Gatchalian, na hindi kaya ng Senado na sagutin ang hiniling ng Office of the Vice President na pagkain at inumin para sa mga aide at legal counsel ng bise presidente.
Ayon kay SP Gatchalian, limitado ang budget dahil prayoridad din ang mga pagdinig sa mga komite at budget hearings.
Sumang-ayon din si Senador Erwin Tulfo sa hindi pagpapabigat sa pondo ng Senado para sa naturang hiling.
Samantala, inihayag naman ni Bicol Saro Representative Terry Ridon na maaaring maging isyu sa procurement ang naturang kahilingan at inilarawan ito bilang demand kaysa karaniwang kahilingan.—sa panulat ni Reabelle Medina
