Sinampahan na ng kaso ang siyam mula sa limampu’t-isang rallyista na hinuli sa gitna ng ginanap na State of the Nation Address nitong Lunes.
Ayon sa mga otoridad, inaresto ang mga rallyista kaugnay sa pagsusuot ng balaclavas o pantakip sa ulo at mukha, at pagpipinta sa pader ng diliman substation ng meralco.
Samantala, pinalaya na ang tatlumpung indibidwal na sangkot sa insidente, gayundin ang labindalawang menor de edad na rallyista.
Ipinagtanggol naman ni Quezon City Police District Director Brig. Gen. Randy Silvio ang naging aksiyon ng kaniyang mga tauhan, iginiit na napanatili nila ang kapayapaan at kaayusan habang iginagalang ang karapatan ng mga nagpoprotesta sa malayang pagpapahayag ng kanilang saloobin.
Bagaman iginagalang aniya ng PNP ang karapatan ng publiko na maghayag ng saloobin, dapat gawin ito sa paraang itinakda ng batas. l mula sa panulat ni Reianne Antiquina
