Posibleng magpatupad ng Enhanced Community Quarantine status sa Cavite.
Ayon kay Governor Jonvic Remulla, ito’y kapag nagpatuloy pa ang pagtaas ng kaso ng COVID-19 sa lalawigan.
Gayunman, inaalala ng Gobernador ang mga maapektuhan o mahihirapan sa oras na magsara na naman ang lalawigan.
Kaya naman nagpaalala si Remulla sa mga opisyal ng barangay na maging istrikto sa pagpapatupad ng protocol upang maiwasan ang pagkalat ng virus.
