Muli na namang pinangunahan ni reigning MVP Stephen Curry ang panalo ng Golden State Warriors.
Pinadapa ng Warriors ang kalabang Memphis Grizzlies sa iskor na 100-84.
Bagamat tahimik sa unang half ng laro, nag-init naman nang husto si Curry sa second half at nagtapos nang may 28 puntos.
Matatandaan sa nakaraang laban ng Warriors at Grizzlies, nakapagbaon ng 50 kalamangan ang Golden State kontra Memphis.
By Ralph Obina
Pito hanggang sampung araw na out muna sa laro ng Oklahoma City Thunder si Kevin Durant.
Ito ay dahil sa kailangan niyang ipahinga ang kanyang harmstring injury na tinamo sa laro kahapon kontra Washington Wizards.
Ayon sa mga opisyal ng Thunder, ang kondisyon ni Durant ay ire-reassess sa susunod na linggo.
Matatandaang 27 matches nawala si Durant noong nakaraang season dahil sa tinamo naman nitong injury sa kanang paa nito na nangailangan ng 3 operasyon sa loob ng 6 na buwan.
By Ralph Obina
Pursigido ang Philippine Azkals na maipanalo ang laban sa Yemen mamayang gabi sa Rizal Memorial Stadium.
Ito ayon kay Azkals Coach Thomas Dooley ay kahit hindi makakapaglaro ang striker/team captain na si Phil Younghusband.
Si Stephan Schrock ang pansamantalang magsusuot ng captain’s armband.
Sinabi ni Dooley na kailangang manalo ng Azkals sa nasabing laro para manatiling buhay ang pag-asang makapasok sa susunod na round ng 2018 World Cup Qualifier.
Bukod sa Yemen, kailangan ding manalo ng Azkals laban sa mas malakas na koponan ng Uzbekistan at North Korea sa March 2016 para makapasok sa third round ng torneo.
By Judith Larino
Muling pinatunayan ni Lebron James ang kanyang galing at lakas sa laban kontra Utah Jazz.
Ito ay makaraang makapagbaon si Lebron ng 31 puntos kabilang ang 17 puntos sa ika-apat na quarter na nagbigay daan sa panalo ng Cavs sa iskor na 118-114.
Napabilib naman ng husto si Cavs Coach David Blatt sa magandang performance na ipinakita ni Lebron na maituturing aniyang pinakamagaling na basketbolista sa henerasyon nito.
Samantala, kabilang din sa mga umalagwa para sa Cavs si Mo Williams na nakasikwat naman ng 29 na puntos.
By Ralph Obina
Inilampaso ng Oklahoma City Thunder ang kalabang Washington Wizards sa iskor na 125-101.
Ito ay sa kabila ng maagang pagkawala sa laro ni Kevin Durant dahil sa nai-strain nitong left hamstring.
Gayunman, pumalit sa puwesto ni Durant para pangunahan ang Thunder ay si Russell Brook na kumana ng 22 puntos, 11 assists at 11 rebounds.
Samantala, di naman sumapat ang tig-15 puntos nina Marcin Gortat at Ramon Sessions para maibaba ang kalamangan ng Thunder.
By Ralph Obina
Itinanghal si Filipino Olympian figure skater Michael Christian Martinez bilang ika-26 na pinakamagaling sa buong mundo sa larangan ng figure skating.
Kasunod na rin ito nang ibinigay na 220. 36 total personal score ng Audi Cup judges kay Martinez.
Hinirang namang kampeon sa nasabing torneo ang Espanyol na si Javier Hernandez matapos makakuha ng 270. 55 total score.
By Judith Larino
Sumabak na sa kanilang ensayo ang Gilas Pilipinas bilang paghahanda sa 2016 Olympic Qualifying Tournament.
Present ang 17 bumubuo sa national team pool bagamat di nakapag-practice si Ranidel de Ocampo dahil sa tinamong back injury nito habang nagbubuhat ng weights.
Hindi naman maitago ni Gilas Pilipinas Coach ang tuwa dahil sa bago aniya itong team at may iba’t ibang karakter.
Masaya rin si Baldwin sa kinalabasan ng una nilang ensayo at sinabing umaayos na ngayon ang kondisyon ni De Ocampo.
Matatandaang kabilang sa nagbabalik sa Gilas ay si San Miguel Slotman June Mar Fajardo na hindi nakasama sa 2015 FIBA Asia Championship dahil sa iniindang sakit sa talampakan nito.
By Ralph Obina
Wala nang pagkakataon pang makabawi si 8-Division World Champion Manny Pacquiao kay Floyd Mayweather Junior.
Ito ay matapos tuluyang tuldukan ni Mayweather ang posibleng rematch sa pagitan nila ni Pacquiao.
Giit ni Mayweather, wala nang dahilan pa para labanan niya ang Pambansang Kamao na hindi man lamang umubra sa kanya noong “May 2 bout” nila na tinaguriang Fight of the Century.
Naniniwala si Mayweather na pinapalutang lamang ng kampo ni Pacquiao ang posibleng rematch nila upang gamitin ang pangalan nito at magpataas ng rate sa laban.
Matatandaang nitong Setyembre nang tuluyang magretiro si Mayweather matapos ang matagumpay na laban kontra kay Andre Berto kung saan kanyang napanatili ang malinis na 49 wins – zero loss record.
By Ralph Obina
Balik na sa Gilas Pilipinas si PBA MVP June Mar Fajardo.
Dahil dito, balik na rin sa ensayo si Fajardo na una nang hindi nakapaglaro sa 2015 FIBA Asia Championship nang piliing ipahinga ang kaniyang injuries.
Kabilang sa mga nakasama ni Fajardo sa nasabing practice sina Dondon Hontiveros, JC Intal, Sonny Thoss at Gary David.
Puspusan ang ensayo ng Gilas para lumaban sa qualifying tournament ng Olympics sa susunod na taon.
By Judith Larino
Pormal nang nagretiro si dating World Champion Brandon “Bam Bam” Rios matapos siyang pabagsakin sa laban ni Timothy Bradley noong weekend.
Ayon kay Rios, ito na ang tamang panahon para tumigil sa pagbo-boksing dahil sa iba na aniya ang takbo ng kanyang katawan.
Hindi na aniya ito katulad ng dati at anumang subok niya ay hindi naman nagre-react ng tama ang kanyang katawan na napatunayan sa laban kontra Bradley.
Una rito, dalawang beses bumagsak sa ika siyam na round ng laban si Rios ngunit sa ikalawa ay itinigil na ng referee ang bakbakan kontra Rios.
By Ralph Obina
