SPORTS

Taob sa kamay ng New York Knicks ang Los Angeles Lakers sa iskor na 99-95 sa Madison Square Garden.

Ito ay sa kabila ng pangunguna ni 5-time NBA Champion Kobe Bryant na kumana ng 18 puntos.

Sa kabila ng pagkatalo ng Lakers, masaya si Bryant sa suporta ng mga manunuod lalo na sa hiyawan ng mga ito sa tuwing mahahawakan at maishu-shoot niya ang bola.

Desidido si Bryant na hindi maging kanyang farewell tour ang kampanya ng Lakers ngayong season ng NBA.

Samantala, nanguna naman sa panalo ng Knicks si Carmelo Anthony na nakapagbaon ng 24 na puntos.

By  Ralph Obina  

Napasakamay ng Los Angeles Lakers ang unang panalo matapos ang apat na talo.

Pinahiya ng Lakers ang Brooklyn Nets sa final score na 104-98.

Pinangunahan ni Kobe Bryant ang Lakers na nagtala ng 18 points samantalang nagdagdag naman ng tig-16 points sina Jordan Clarkson at D’ Angelo Russell.

Samantala, bigo naman ang Miami Heat na manalo kontra Indiana Pacers at talo naman ang New Orleans Pelicans kontra Atlanta Hawks.

By  Judith Larino 

Nasa ospital si suspended FIFA President Sepp Blatter upang magpa-medical check up.

Ito ang sinabi ng kaniyang abogado na si Atty. Richard Cullen pero hindi na nito idinetalye pa ang kalagayan ng kliyente.

Pero base sa mga ulat, nakararanas ng stress si Blatter matapos suspendehin dahil sa umano’y isyu ng korapsyon sa pamunuan ng FIFA.

Una na namang itinanggi ni Blatter ang naturang akusasyon.

By Allan Francisco 

Bumaba ng tatlong pwesto ang ranggo ng Philippine Azkals sa pinakahuling rankings ng FIFA.

Sa inilabas na November rankings ng FIFA, mula sa 134th place noong nakaraang buwan, bumaba ito sa ika-130 puwesto.

Habang nasa number one spot ang Belgium.

Sa kabila nito, nangunguna pa rin ang Azkals sa hanay ng Southeast Asian Region, na sinundan ng Thailand sa ika-144 na pwesto.

Nakatakda namang makaharap ng Philippine football team ang koponan ng Yemen sa susunod na linggo sa pagpapatuloy ng FIFA World Cup Qualifying Match.

By  Meann Tanbio 

Nasibak na ang Batang Gilas sa quarterfinal round ng 2015 FIBA Asia Under-16 Championship.

Ito’y matapos kapusin ang Philippine national youth basketball team sa kamay ng Japan sa score na 73-66 sa kanilang bakbakan sa britama arena sa Jakarta, Indonesia.

Dalawang araw matapos hiyain ang three-time defending champion China sa second round ng kompetisyon ay hindi ito nakaporma sa kalaban.

Sa unang quarter pa lamang ng laro ay gumawa na ang Japan ng 15-0 run habang ilang beses na nagmintis ang mga tira ng mga Pinoy.

Tinangka ng Batang Gilas na makabawi sa mga sumunod na quarter, pero hindi ito sapat para talunin ang mga pambato ng Japan.

Dahil dito, wala nang pag-asang makakakuha ang Pilipinas ng isa sa tatlong puwesto sa FIBA Under-17 World Championship sa susunod na taon.

By Jelbert Perdez  

Wagi ang Cleveland Cavaliers kontra New York Knicks sa kanilang pagtutuos kaninang umaga kung saan natapos ang laban sa iskor na 96-86.

Nanguna sa panalo ng Cavs ang kanilang star player na si Lebron James na nakapagbaon ng 23 puntos.

Gayunman, hindi naging madali para kay James ang masungkit ang panalo ng Cavs.

Inalat ng husto si James lalo na sa first half ng laro.

Pinunit pa ni Lebron ang manggas ng kanyang jersey na senyales ng kanyang frustration sa pagkakaroon ng hindi magandang laro.

Pero, pagsapit ng second half, unti-unting bumawi si James at tuluyan nang nag-init pagtuntong ng fourth quarter.

By  Ralph Obina 

Handang-handa na ang Batang Gilas sa kanilang laban ngayong araw kontra Japan sa pagpapatuloy ng FIBA Asia Under 16 Championship sa Jakarta, Indonesia.

Target ng Batang Gilas na mapataob ang Japan para maka-abot sa semifinals ng torneo.

Sa oras na malagpasan ang koponan ng Japan, susunod namang makakaharap ng Gilas mananalo sa pagitan ng Taiwan at Thailand.

Una rito, bagamat matatangkad mga manlalaro ng China ay pinayuko ito ng Batang Gilas noong Martes sa iskor na 78-72.

By  Ralph Obina