Hanggang ngayong araw na lamang ang permit ng rally ng Iglesia ni Cristo sa EDSA.
Ito ang ipinahayag ng Quezon City Department of Public Order and Safety (DPOS), kasabay ng paglilinaw na hanggang ngayong araw lamang ang bisa ng permit na ipinagkaloob para sa isinagawang pagtitipon.
Ayon sa DPOS, tungkulin ng lokal na pamahalaan na pangalagaan ang kapakanan ng publiko.
Batay sa kanilang mga nakalap na ulat, nagdulot na ng matinding abala ang protesta sa pang-araw-araw na pamumuhay ng mga mamamayan.
Kabilang umano sa mga naapektuhan ang libu-libong empleyado at estudyante na naantala o hindi nakapasok sa trabaho at paaralan, gayundin ang ilang negosyo na nakaranas ng pagkaantala sa operasyon.
Sinabi rin ng DPOS na nilabag umano ng mga nagprotesta ang napagkasunduang lugar ng pagtitipon sa White Plains Avenue matapos umanong umabot ang mga ito sa kahabaan ng EDSA.
Binigyang-diin naman ng lokal na pamahalaan na iginagalang nito ang karapatan sa mapayapang pagtitipon at malayang pagpapahayag, ngunit hindi anila ito dapat magdulot ng labis na sagabal sa kapakanan ng nakararami. | via Jenn Patrolla (Patrol 38)
