Inilibing na ngayong araw ang labi ni Jullebee Ranara, Overseas Filipino Worker na pinatay sa Kuwait.
Ayon sa Overseas Workers Welfare Administration (OWWA), alas-nueve ng umaga kanina inilibing ang labi ni Jullebee sa Golden Heaven Cemetery sa Las Piñas.
Kagabi ang huling lamay ng Pinay OFW sa Casimiro. J. Aguilar Avenue corner Alabang-Zapote Road, Las Piñas.
Bukod kay Pangulong Ferdinand Marcos Jr., maraming matataas na opisyal ng gobyerno ang personal na nakiramay sa pamilyang naulila ni Ranara.